مفضلاتي لشهر جون... June Favorites

 السلام عليكم

 

كيفكم جميلاتي؟

 

بوست اليوم عبارة عن مفضلاتي لشهر جون

 

أول منتج هو عبارة عن مزيل مكياج مع منظف للوجه من Bioderma

 

هالمنتج ممتاز أحسن مزيل مكياج شفته بحياتي لانه يشيل اثار الميك اب بدون ما يسبب حكه او اذا دخل بعيني ما يحرق

طريقة استخدامه: اغسلي وجهك باي غسول *الغسول الي يناسبك* بعدين نشفي وجهك وحطيه في قطنة شيلي فيها كل الزايد .

هذا النوع للبشرة الحساسة الي لونه زهري اما الاخضر فهو للبشرة الدهنية

بس حق البشرة الدهنية يحرق شوي مع ان بشرتي دهنية ما ناسبني حسيته يحرق ويحك شوي وينشف الوجه يعني اقرب للاسكينول فحسيت حق البشرة الحساسة مناسب اكثر

موجود بصيدلية وايتس سعره:

250ml ب 88 ريال

500ml ب 118ريال

 

 

ثاني منتج هو عبارة عن كريم من ماركة lovage

 

انا من الناس الي اكره ملمس التلصيق وصدق كنت اكره الكريمات مع اني عايشة بالرياض يعني والرياض معروفة بجوها الجاف بس هالكريم يعني ماهو لوشن يروح بسرعى ولا كريم الي يضل على يدك وبعد شوي ما كنك حاطة شي لا هذا الكريم يضل وقت طويل ما احتاج احط مرة  ثاني وفوق هذا ريحته حلوة مرة بالتوت البري بس

للاسف مو موجود بالسعودية بس موجود بدبي من السوق الي في أوتيل الانتر كونتيننتل فيستفال ستي يعني لازم اذا رحتو تمرون عليه.

الموقع :http://lovage.co/ 

للاسف ما اذكر سعره لان كان عليه عرض وحتى بالموقع مو حاطين بس  ما يتعدى سعره ال 85 درهم.

 

ثالث منتج هو عبارة عن lip butter من ماركة labello .

 

بالفترة الاخيرة طاحو الناس بمرطبات لابيلو الي زي اقلام الروج بس لما جربتها ما حبيتها ابد وبالاخص الي بالفراولة وتوت حسيتها ترطيب مؤقت بعدين ينشف الشفايف زيادة بس هالمنتج غير رايي في لابيلو حسيت ترطيبه عالي وحلو فيه نكهات فيه بزبدة الشيا وفيه اوريجينال زي الفازلين اذا انتي تحبين الفازلين بس تخافين يسود بيعجبك الاوريجينال لانه زي الفازلين بس انا ما احب الفازلين فأخذت الي بزبدة الشيا اتعب وانا اقول ممتاز.

موجود بالدانوب:

سعره 12 ريال تقريبا.

 

 



 

رابع منتج هو مسكرة ميبلين The Falsies Volum Express 

 

انا من الناس الي احب الماسكرا حقت العزايم او الجمعات او الطلعات الليلية بصفة عامة تصير تصير تجمع بين طوول وكثافة هالماسكرا من ميبيلين تعطيني الطول والكثافة وفوق هذا سهولة استخدام لأن فرشتها تساعد ومن اول مرة تحطين تحط لك بس اذا انتي من الناس الي تدمع عيونك بسرعى كل ما ضحكتي او شي ما اتوقع تناسبك مرة لان ماهي ووتر بروف .
شريتها من صيدلية الحبيب ويبيعونها بوايتس وبوتس:
سعرها تقريبا بحدود ال 50 ريال.

  

 

 

ونصيحة لكم بخصوص الماسكرا حاولو ما تاخذون ماسكرا ضد المويا *وتر بروف* لأنها تضر الرموش وتطيح الرموش.