السلام عليكم
كيفكم ؟
بما ان العيد ماباقي عليه شي كلنا قررت اسوي لكم موضوع كامل عن الحواجب وتضبيطها بس بالطريقة الصحيحة
اغلبنا قبل العيد نروح مشاغل عشان نضبط حواجبنا او نجيب الي يصلحون لك بالبيت وما نركز على لأشياء الي يستخدمونها لنا
وهذا اكبر غلط نسويه .. قبل فترة ما كنت ادقق في الاشياء الي يستخدمونها وجودتها واذا هي مناسبة ولا لا .. بس مرة بالصدفة
شفت وحدة كانت بتسوي لي حواجبي واستخدمت هذي الصبغة .. الي بالمويا من ماركة Bigen
وبعدها بفترة شفتها وقعدت اقرا ورا ولقيت انها المفروض ما تستخدم للحواجب ولا للرموش
فعشان كذا الاحسن اننا ناخذ منتجات متأكدين منها ومن انها ما تضرنا
ونحاول نتعلم كيف نسوي لنفسنا بالمنتجات الكويسة والموثوقة ...
فببدأ اول شي بالصبغة حقت الحواجب
انا استخدم صبغة من ماركة Refectocil
شكلها مو زي كذا بالضبط لأني للأسف ما لقيت صورتها بالشكل الثاني بس انتو شوفو الماركة نفسها
فيه منها كذا درجة فيه بني وبني غامق واسود واسود غامق اتوقع فانتبهو لاني مرة اخذت اسود بالغلط وطلع غامق مرة يعني يفضل تاخذون بني عشان يطلع لون طبيعي
سعرها بحدود ال 25 ريال تقريبا ومتوفرة بصدلية وايتس
اول شي تفتحين العلبة يجيك ثلاث ظروف مثل كذا
جيبي صحن بلاستك وافتحيهم فيه واخلطي الي فيهم مع بعض باستخدام عود اسنان وترا الكمية الي بالظرفين تكفي كذا شخص فسوي للعايلة كاملة بطريقك =))
بعدين حطيهم على حواجبك بالعود وانتبهي لا ترسمين الحواجب كاملة بالصبغة ترا تصير اوفر
اول شي سوي خط على الحواجب كاملة من تحت وبعدين من الاطراف يعني حددي الحواجب بس من قدام المنطقة الي يصير فيها شعر الحواجب خفيف لا تسوين يعني سويها من بعد نص الحاجب بشوي ومقدمة الحاجب خليها
يعني مثل الصورة هذي
وخلوها بس لا تطول مرة لين يبدا يمسك اللون
وبعدين اذا كان عندك شعر زايد بالنص او تحت الحاجب استخدمي مشقر جولين
فيه حجمين منه:
الصغير سعره 19 ريال تقريبا
الكبير وكميته ضعف الصغير تقريبا وسعره 30 ريال تقريبا
متوفر في اغلب السوبرماركت وموجود بصيدلية وايتس
قد تكلمت عنه انستقرام وعن الي احبه فيه ومن اهم الاشياء الي تخليني استخدمه انه يخلي الشعرة بيضا مو صفرا
وهذي صورته
معاه شي زي الملعقة وصحن وفيه ورقة تعلمك الكمية وكل شي وممكن لما تجين تحطينه على حواجبك تستخدمين الملعقة الي معه او قطن الاذان ...
وخليه لين ينشف وتشوفين الشعر تغير لونه .. بس عندي ملاحظة مهمة اتأكدي انك خلطتيه زين مع البادور لانه مو زين تجي باودر مباشرة على جلدك ممكن تسوي لك حساسية
وبعد ما تخلصين امسحيه بالمنديل مبلل لين يروح الزايد وبعدين غسلي وجهك بمويا ..
وخلاص تصيرين خلصتي ممكن بعدين اذا حبيتي تملين فراغ بداية حاجبك تستخدمين بباودر بني مو غامق مرة وترسمين خط بداية حاجبك تحت وتسحبينه على فوق وبيطلع لوك حلو ..
وبالنهاية الاحسن انك ما تصبغين حواجبك وتشقرينها بكثرة يعني مو كل اسبوع خلي بينهم وقت عشان يرتاح الجلد لان كثرتها مو زينة له وممكن تسوي حساسية قوية او شي لا سمح الله ..
واتمنى اني افدتكم وبس 💓
اي درجة تستخدمين؟
ردحذفلاني استخدمت درجة بني فاتح و ما احس انها صبغت:)