أنواع فرش الوجه والعيون واستخداماتها ..

السلام عليكم

 

كيفكم؟

 

اليوم بتكلم عن فرش الوجه والعيون وبأيش تستخدم ووين تلقونها ..

 

في بدايتي بالميك اب ما كنت اهتم للفرش كنت اقول كلها نفس الشي بس لما جربت ماركات مختلفة لاحظت ان الميك اب صار احلى مع بعض الفرش ..

 

أول شي خلينا نبدأ بفرش الوجه

 

أول نوع هو فرش الفاونديشن

 

في منها شكلين الاول يصير كذا

 

 

 

هذي الفرشة ما افضل استخدمها للفاونديشن لحالها يعني احسها ما تدمج يعني اذا بتستخدمينها استخدمي معها البيوتي بلندر او فرشة كابوكي ثانية عشان تروح الخطوط وتدمجها مضبوط

 

أما الشكل الثاني

 

 

 

 

 الكابوكي برش او البافينق برش

 

هذا النوع من الفرش الحلو فيها انها تدمج لك دمج حلو تروح الخطوط بس عشان تحصلين على لوك مثالي يفضل تستخدمين بعدها البيوتي بلندر على خفيف عشان تروح الخطوط الدقيقة ويطلع الفاونديشن اجمل واحلى ..

 

ثاني نوع هو فرش الكونسيلر

 

تشبه فرش الفاونديشن بس على اصغر

 

بالبداية اذا كنتي ما تحبين كثرة الفرش وما تحتاجين شغل تحت عينك ممكن تستعملين فرش الفاونديشن

 

بس الاحسن انك تاخذين الفرش المناسبة لمنطقة العيون

 

اول فرشة للكونسيلر

 

 

 

 

هذي الفرشة ينحط فيها الكونسيلر ويتوزع بس ما تنفع بالدمج ابد يعني نفس نقطة فرشة الفاونديشن يا تستخدمين معها بيوتي بلندر او فرشة دمج للعيون

 

 

اما الفرشة الثانية

 

 



 

 

اول وحدة من اليسار هذي يندمج فيها الكونسيلر عشان تروح الخطوط الكونسيلر الزايد

بس لا تحطون الكونسيلر مباشرة عليها بالاخص اذا كان كريمي عشان ما يبقع .

 

 

أما ثالث نوع هو فرش الكونتور

 

الكونتور فيه له فرش كثيرة

 

أول فرشة

 

 

 

 

من ريل تكنيك تستخدم للكنتور

 

ثاني فرشة

 

من ماك الكونتور فيها سهل للانف والخد لانها حادة ونحيفة

 

 

ثالث فرشة من سقما

 

 

تستخدم للكنتور اذا كانت المنطقة واسعة مثل الخد والجبهة لانها تدمج الكونتور بنفس الوقت

 

 

الفرشة الرابعة

 

 

 

تجي مع البلشرات حقت بنفت تشبه حقت نارس بس على اصغر تستخدم للمناطق الدقيقة مثل الانف .

 

 

 

الفرشة الخامسة

 

 

 

فرشة نارس زي فرشة ماك وبنفت نحيفة تحدد لك الاماكن الصغيرة

 

ومريحة بالاستعمال .

 

 

أما النوع الرابع من الفرش هو فرش الهايلات على الاغلب تصير نفس فرش الكونتور حقت ريل تكنيك والفرش المشابهة لها

 

وفي ناس تستخدم الفرشة هذي للهايلات الببادور

 

 

 

 

 

 أما الكونتور او الهايلات الكريمي يستخدم له فرش الكونسيلر او الفاونديشن على حسب المنطقة ومساحتها .

 

النوع الخامس هم فرش البادور حقت الوجه

 

 

 

 

تستخدم لوضع باودر الوجه ان كانت لتثبيت الفاونديشن او كلون بس 

 

 

أما الحين بنبدا بالعيون وبفرش العيون

 

طبعا زي ما انتو عارفين فرش العيون لا تعد ولا تحصى

 

بس بقولكم المهمة الي تستخدم دائما

 

 

أول فرشة هي الفرشة الي تصير للايلاينر والحواجب

 

فيه منها شكلين

 

الأول

 

 

 

الثاني

 

 

 

 

أما ثاني نوع هو الفرش الي تصير كذا مستوية ومدورة وفيه منها كذا حجم

 

 

 

هذي تستخدم اذا بغيتي تحطين لون عالجفن المتحرك يعني بدون ما تدمجين بدون شي بس لون أو بتثبتين كونسيلر الي فوق العين وبتستخدمين لون واحد على كامل الجفن

 

 

 

أما النوع الثالث هو فرش الدمج لها اشكال مختلفة على حسب اللون الي بيندمج

لمساحة كبيرة او دقيقة

 

يعني  الكبيرة اذا كنتي بتحطين بني فاتح على كسرة العين بس عشان يكسر

حدة اللون

 

وكل ما بغيتي تدمجين منطقة اصغر تصغرين الفرشة

 

هذا شكل فرش الدمج بصفة عامة

 

 

 

 

 

طبعا 1.2.3 مو للعيون بس انا بوريكم فرش الدمج واحجامها

 

دائما تكون مليانة عشان تدمج الألوان

 

 

أما النوع الرابع فهم الفرش الي تصير صغيرة ومليانة كنها قلم

الــpencil brush

 

 

 

تستخدم في الأماكن الصغيرة مثل تحت الحواجب أو مدامع العين أو زاوية ال v حقت العين اذا كنتي بتحطين لون معين

 

 

وبكذا اصير تكلمت عن اغلب الفرش المهمة مو ضروري تشترينها كلها

 

اذا انتي ما تحطين شدو مو لازم تجيبين فرش الشدو واذا ما تسوين كونتور مو لازم تجيبين فرشهم خذي من كل نوع الي يناسبك

 

 

وبالنهاية هذي الويب سايت حقت بعض المواقع الي تبيع فرش وجودة فرشهم عالية

 

sigma:

 

http://www.sigmabeauty.com/ 

 

costal scents:

 

http://www.coastalscents.com/

 

 

BH:

 

http://www.bhcosmetics.com

 

 

real techniques:

 

 

http://realtechniques.com/

 

واذا تبون تاجرات يوفرونها لكم قولو لي عشان احطهم لكم

 

 

 

 

 

 

 

وبكذا أكون خلصت ان شاء الله اني افدتكم وان البوست اعجبكم.

 

واذا تبون اتكلم عن شي معين قولو لي.

 

وبس💓